تطبيق الشريعه في تونس

[Fitouri Driss]

موضوع المواضيع : تونس ما هياش اتطبق في الشريعه الاسلاميه كليا...
ومشكلة المشاكل وخلاف المتخالفين وتضارب المتضاربين... هذا هو موضوع نعم أو لا لتطبيق الشريعة الاسلاميه كليا في تونس؟؟؟ لا الاه الا الله واحد وحده لا شريك له وبعد:
هذا هو موضوع نقاش اديولوجي في تونس بين المتشددين والمعتدلين هذا ان كان لكلمة المعتدلين معنى..هيا اماله انحلوا الرمانه ونفركشوها ونفرشو الكوارط وانشوفوا هل علينا باش انطبقو القانون الوضعي إلي أغلب فصوله تراعي الشريعه كيفما في قانون الارث والزواج و ... وفي الكثيرمن الحالات الأخرى... أو هل ندخل على الشعب التونسي تطبيق الشريعه كليا بما في ذلك قطع يد السارق وقتل الثوار لاخماد الثوره - والثوره هي الي جاءت بالنهضه الاسلاميه- و لباس النفاب وتعدد الزوجات وتعويض الجبايه بالزكات وقتل االمعارضين وبتر أعضاءهم كما سمعنا في المجلس الموقر وحمل السلاح كلى الكتف في الشوارع وبدون رخصه والتدخل في شؤون الغير ولو بالقوه للنهي والارشاد ورفض حقوق الانسان ...الخ الخ ...يعني يقع فتح اسلامي جديد في تونس...انقول هذا لبسط الموضوع بين الطرفين من غير ما نهربو من الواقع ومن باب المصارحه والمصالحه ولا للفتنه كما ينسجون
انا ماريتش مجيء الفاتحين لا من البر ولا من البحر ولا من الجو...رأيت فقط أننا اخترنا من تلقاء أنفسنا وبكل حريه من بيننا حكومه تنظم ادارتنا فكيف بها ترجع علينا باش تفتحنا ؟...
نحن مسلمون فقط منذ القرن السابع (م) الله غالب علينا ما عندناش الزهر... ماناش كيف السعوديه المسلمه منذ بداية الاسلام...والي عاشت وتربت على الاسلام منذ خلقها ...أحنا أصلنا برابره ولنا عادات وتقاليد امتع بلادنا وفي دمنا موجوده الجينات البربريه وستبقى كيفما في الدزاير والمغرب هذه الجينات التي امتزجت مع السلمين الفاتحين وأعطت هذا المزيج ألشعبي الذي أسلم ودخل في الاسلام والي مر بعدة حقبات من أغلبيه بدون تشدد اسلامي الى مهديه شيعيه فاطميه ثم رجعت تونس شبه بربريه مع الصنهاجيين ثم دويلات صغيره حتى جات الحمايه الفرنسيه الي خلت تأثيرها الحضاري في البلاد...الى اليوم تونس الي عاشت وتربت في ها الظروف... تبقى لها خاصيات شعبيه اسلاميه معتدله لا علاقة لها بالتشدد في تطبيق الشريعه كليا.. الله غالب .حكم عليها التاريخ الي عاشته